Zandriko (Nanour)

Isika roa
Mifankatia tokoa
Mifanao soa
Miaraka ho to

Tsy nifandao
Na navelanao
Handeha irery
Na hanirery
Ito zoky kely
Sy ny tsianjery

Sipa tena tsara
Tsy mampite-hizara
Miezaka ho tafita
Am-pahaizana sy bika

Manery ahy hivoatra
Indraindray koa hitroatra
Saingy mahasaro-piaro
Satria kanto hoy ny maro

Isaorako ny Ray
Nampisy ilay zandriko izay
Fizarako tsiambaratelo
Manala ny alahelo.

Atolotro ho an'ny zandriko rehetra.
--------