TSY IANAO IRERY.... (natiora narda)

Tsy ianao irery akory no vorona ao an'ala
Ka andehanan'ny mpizaha amin'ny andro mamanala
Na mampifaly ny tantely ,ka tsy ahitana tory
Sanatria re e!....tsy ianao irery akory

Tsy ianao irery akory no vorona azo alaina
Ka andehanan'ny mpizaha amin'ny andro vao maraina
Fa mbola ao ny domoina,ao ny rainilovy
Mbola tsara noho ianao,fa tadidio sy tsarovy


Tsy ianao irery akory no hazan-drano ao an-dobo
Ka andehanan'ny mpanjono amin'ny andro maizim-bolana
Fa ao ny amalona,ao ny kobokobo
Samy mbola azo alaina amin'ny andri sy ny volana
--------