You are here: home > Vetso

Fahatsiarovana - Nikalo Kanto

Atsidrin'ny foko ny an' aloko tiana
Ny foko hono mantsy tsy mety mitony
Natsiaro narary fangirifiriana
Ka miaritra jaly misidina ambony

Asetrin'ny foko ,ny saiko tsy mino
Fa lasa nandao ty lay tokan'andraina
Voasarin'ny sento tsy mety hanadino
Fa lefiny anaty na mafy zakaina..

Nilaozan-tsakaiza ka manina irery
Matsiaro ny sangy, ny tosy nania
Koa varina mandinika fatram-pijery
Ny tanta-miangolan'ny mpifakatia

Mitsiriritra, hanantena ny lasa..
Mikiry ny hamelona izay tsy voafafa..

Sokajy : Aingam-panahy

Mombamomba

Mpanoratra : Nikalo Kanto

Nampiditra : kanto01
Daty : 19/05/2018
Mpamangy : 396
Mankafy : 2
Ankafizo Azo vakiana?

Tononkalo hafa

Fitiavana sy soratra
efa sambatra izy...
Tso drano
Embona
tsy hampaninon'azy

Hametraka hevitra

Midira aloha