Ny endri-pitiavana (Nofy2)

Raha toa ka ny tiana no tojo ny tia
Ka mifampitantana,miara-dia
Na iza na iza no sendran’izany
Mahatsapa fiatiavana mamy dia mamy


Raha toa ka ny tiana no miseho mankahala
Mitsoaka ny tia,mitady hiala bala
Na iza na iza no sendra fandavana
Mitady,mikaroka,miantso fitiavana


Raha toa ka ny fo voafita-pitia
Rava kanefa niriana ho doria
Na iza na iza voadoana ny fony
Dia lasa tsy mieri-pitiavana intsony


Raha toa ka ny fo maro tiavina
Ekena daholo tsy misy ny lavina
Na iza na iza miseho maro lafy
Tsy ampy fitiavana ka dia mandrafy


Raha toa ka izy roa tsy mety hifanaraka
Kanefa tsy mihevitra izay hoe hisaraka
Na iza na iza voasedran’izany
Mararim-pitiavana ny any anatiny any


Izany sy izany no endri-pitiavana
Mamy ,mangidy tsy maintsy lolohavina


Nofy2
03 septembre 2009
--------