NY FANEVAKO (Riantsoa)

Mbola tsisy niantsa

Hangataka antsa
(Nalaina tao amin'ny vetso.serasera.org)
Ny fanevako, mitsangana, mazava sy mitaratra
toy ny tara-masoandro izay miritsoka maharitra
dia mivelatra fehizay noho'ny rivo-pahavaratra
izay mitsoka, mampiseho ilay endriny finaritra

Mihamafy hatrany anefa ilay rivotra mitsoka,
ny fanevako no indro miova tsy ny nohenjanina;
dia mivonkina ny tanako manamafy ny tsatòka,
izay tataovin-draho-mainty manamaizina ny alina.

Tsy esorina izy akory na oviana na oviana,
na dia tonga aza ny aizina arahin-javon-tany;
ka tsy misy hita intsony ny aloha sy aoriana,
ny fanevako, mitsangana, mivelatra eo ihany.

Teny anankiray monja izay no voasoratra ao;
dia ny teny hoe: "FITIAVANA", teny kelin'ilay sainako.
Nefa io faneva io ilay ambarako aminao
fa mandrindra ny ataoko sy isosan'ny androm-piainako!

RIANTSOA (21/09/2007)
--------
Rohy:
Sokajy : fiainana - Fitiavana
1382 1
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.01