Masoandro mody (Ny Kanto)
Mbola tsisy niantsa
(Nalaina tao amin'ny vetso.serasera.org)
Masoandro modyIny tazako nilentika, ilay masoandronay,
Mirefarefa mody iny ankodimirana iny
Izy hono tsy tamana - ary tena nodifiany!
...
Injao reko miala aina,
Mihamangatsiaka ilay fifankatiavanay.
Tsinjoko sahady, mihazakazaka handrakotra,
Ny aizina mpanarona ny velona eto an-tany.
Tsy miso diso izany, fa dia asesiny vangiana.
…
Injao reko ampatoriany,
Hatory tsy hifoha ilay fitia izay nampiray.
Dia mijoro, dia mitazana, mamoy ampara-tazana
Ranomaso izay noferako no narahin’oram-baratra
Mamakivaky fo ireo kotrokotroka sy tselatra.
...
Injao reko ‘lay veloma
Miraviravy ireto tànako fa ny foko kosa tony.
Ny Kanto. Parisy 2004-09-07
--------
Rohy:
Sokajy :
Fisarahana
Mpakafy:
NyKanto
Hevitra mandeha
Oully
(
07/09/2004 10:55)
Ry namako akaiky,
Dia sanatria ve ho izaho no hiloa-bava hanoro anao fa hody ary mbola hiverina indray iny masoandro iny ka hitondra hazavana sy hafanana vaovao...
Mahereza ry zoky !!!
Oully.
Dia sanatria ve ho izaho no hiloa-bava hanoro anao fa hody ary mbola hiverina indray iny masoandro iny ka hitondra hazavana sy hafanana vaovao...
Mahereza ry zoky !!!
Oully.
andriary
(
07/09/2004 11:32)
Vaovao amiko ny rafitrry ny tonokalo nosoratanao ka variana aho!Ary dia toa mirazotra manaraka ny rafitra koa ny hevitra fonosiny!
....
Tena tsy azo tazonina hijanona ve?
....
Tena tsy azo tazonina hijanona ve?
bichette
(
07/09/2004 11:54)
nykanto, hiriko mba ho tononkalo fotsiny io fa tsy hoe hiainanao....
Tazony, tazony, tazony .....
Tazony, tazony, tazony .....
NyKanto
(
07/09/2004 12:16)
Iza moa no mahatana ny masoandro tsy hilentika ? Ny ampitso hafa indray, efa maraina vaovao, Andro hafa iray.
Ny Kanto.
Ny Kanto.
bichette
(
07/09/2004 12:59)
nykanto, tsy misy mahatana tokoa saingy possible : Seul Dieu peut arreter le temps.Rien ne Lui est Impossible.....
crrlanto
(
07/09/2004 22:09)
Hafa kely ,ny an,ny ity Mpanoratra ity indray dia ..namolaka ny zavaboary hifanaraka ilay hevitra tiany ampitaina,; masoandro mody; ny tiany ambara ao araka ny hevitro dia : mandao azy ilay tiany ,fa antenainy hiverina ,toa ny masoandro maraina , olona manana finoana be izy .Tohizo
yonikafopl
(
08/09/2004 19:38)
nykanto mahandrasa ilay maraina vaovao hoverenan'iny masoandro izay nody iny. hitondra hazavana sy hafanana ho anao.
bichette
(
14/09/2004 07:47)
nykanto,
misy hira atolotro anao ao amin'ny fanehoan-kevitra amin'ilay tononkalon'i Rado hoe "mba tantano" (nampidirin'i Oully)
misy hira atolotro anao ao amin'ny fanehoan-kevitra amin'ilay tononkalon'i Rado hoe "mba tantano" (nampidirin'i Oully)