Eisy aho e ! (ontsy)

Nantsain'i
(Nalaina tao amin'ny vetso.serasera.org)
Eisy aho e, Ramalagasy ! malagasy tsy andaharana
Toetra ratsy sy mamofona dia hazonina, amaharana
'Tony fombanao tia kely sy mpitady tombontsoa
Ianao no 'lay katity, fa tsy karana na sinoa.

Vao namboarina ny làlana, lalambe haingon-tanàna
Dia tsy menatra ianao fa nijery izay ho alaina
Ka ny vatokely, fasika mba natoby mandrak'alina
Dia nakana iray sobika, 'zato toetranao mba lalina.

Irony tatatra vaovao, ka tsy mbola nosantarina
Eny amoron-dalana eny, tena azo an-tsaina marina
Fa ramalagasy indray no nandika izany baiko
Fa dia tototra sahady, feno hiaka amam-pako.

Eisy aho e, Ramalagasy ! malagasy tia mihetsika
Te hihambo ho olom-banona ary tena be fitetika.
Mihirahira fa hampiasa itony harendrim-bita gasy
Nefa ny entina amin'ny fety jiro fa tsy taratasy.

Mbola hanangatra aminao itony hafatry ny ntaolo
'Reo mpandoto rano ireo mbola ho sendra trondron-dolo
Ny mpanimbazimba hasina mbola hiolankolan-doha
Fa ny tena malagasy dia izay olona mifoha.
--------
Rohy:
708 0
Hametraka hevitra
Midira aloha
Momba ny tononkalo
Mpanoratra : ontsy
Nampiditra : ontsy
Daty : 12/06/2019 02:54
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0102