You are here: home > Vetso

MENDRIKA - Oully

R'ilay teny ankiray, sarobidy ianao ry teniko
Teny mamiko tokoa, eny mamy toy ilay reniko
Lovan-drazana tavela, razana izay nipoirana ;
Raha ny fanononana azy, toa tsy dia manahirana.

Voafono anatinao: fahendrena tena lalina;
Mampiavaka vahoaka iray, miara-monina anatin'izay nosy izay;
voarakitra anatinao : sangisangy, vazivazy ;
Fifankaherezana andro sy alina, fifananarana am-pitiavana,
Fifanajàna, mahatamàna!

Zovy moa ianao ry teny, izay tiaviko etoana?
Heno hatrany ombieny ombieny, tonga ao an-tsaina foana;
ifandraisanay vahoaka, na am-bava na an-taratasy;
Tsy iza fa ianao ihany ry ilay teny          Malagasy.

R'ilay teny ankiray, sarobidy ianao ry teniko;
Teny mamiko tokoa , eny mamy toy ilay reniko;
Ny hanandratra ny hasinao no tanjoko anio izao ;
Hanely koa raha azo hatao, izato fahamendrehanao.

RAVANOMANDA Harivolatiana Kezia
Nahazo ny loka voalohany "Fanandratana ny hasin'ny teny Malagasy" Sekoly ambony FJKM Ambohidratrimo (1987)

Novaina ny andalana faha-2 fa very ny tahiry ka hadino.

Sokajy : Kolontsaina

Mombamomba

Mpanoratra : Oully

Nampiditra : Oully
Daty : 24/05/2006
Mpamangy : 1743
Mankafy : 0
Ankafizo Azo vakiana?

Tononkalo hafa

Sanatriaviko
NY ADIN'NY RENY
Loko niofo
Anareo roa
Tsia
Saro-baliana
Ilay
SERASERA
Fanontaniana
Neniko ve ?

Hevitra mandeha

Oully (24/05/2006 20:21:33)

Tsara izany! hay ve mahay manoratra be ohatran'izao ty cousine-ko ity. Avy hatrany dé copie-coller ary amin'ilay site ary :).
Sao dé fanina nareo ry mpamaky fa pseudo 1 ihany no hifandimbiasanay roa eto.
Zany hoe i RAVANOMANDA Harivolatiana Kezia no nanoratra ity tononkalo ity fa tsy Oully tompona Pseudo akory an!

Hametraka hevitra

Midira aloha