Dinidinika kely - Papillusion

Sokafy ny masonao dia ho hitanao
    fa tsara ny mijery
          karazana loko, mahafinaritra
          karazana endrika, mahatalanjona
          zava-manan'aina, mahagaga
          karazan-javatra maro, mahatsikaiky

Sokafy indray ny fonao dia ho tsapanao
    fa kanto tokoa ny
          mitia ny tena mahafinaritra
          mihevitra ny tena mahatalanjona
          mampahafantatra ny tena mahagaga
          mihomehy ny tena mahatsikaiky

Sokafy ny saina anananao dia takaro
    fa tsy misy zava-boahary ratsy eto ambonin'ny tany
    fa ny olombelona tsy tia ihany no manimba izany.

Mampihomehy sa mampalahelo?
Aza valiana fa saintsaino, henoy amin'ny fo, jereo tsara amin'ny maso...