Ampisambory (Rado)

Nantsain'i
(Nalaina tao amin'ny vetso.serasera.org)
Ampisambory kely tsikitsiky iray
raha azonao atao
fa lasa sy nandao
ilay ahiko omaly, ka nampangaihay !

Ampisambory tsiky, fa tena an-tànan-dany
'ty làlana diaviko
'Lay mba notiaviko
Lasa omaly hariva ... Ary any dia any !

Ampisambory tsiky 'ty molotro sakaiza
f'izany sisa heriko !
Raha toa ka tsy voaveriko
Aza omena tsiny ... Ny resy moa hankaiza !


Des. 1971
--------
Rohy:
Sokajy : Fahantrana
7235 7
Hevitra mandeha
kinaoly ( 25/12/2003 03:07)
dia mihodina manodidina ny tsiky foana isika; zaraina maimaimpoana sy amin'ny fo madio izy ireny fa tsy ampisamborina akory.tsy angatahina fa omena amin'ny fo tsotra.
fiaritiana ( 25/11/2005 08:24)
tsara ka
lapino ( 12/12/2005 03:52)
Tsiky tsy samborina fa omena manontolo,
Raha hampiafam-pery
Hanala ny irery
Hanampy hanadino an'ilay tsy ahitana solo

Tsiky tsy samborina fa omena manontolo
atao hampitraka
raha misy tsy zaka
Mamoha fanahy matory sy mahavelom-bolo

Tsiky tsy samborina fa omena manontolo
Fitaran'ny molotra
No hany azo atolotra
Ndrao koa ny tsikinao mba hiverina daholo

;)
Anael10 ( 01/02/2010 12:48)
Tena manala ny mavesatra ao ampo tokoa ny tsiky mitopy iray ; Ka raha izany fotsiny no ilainao dia omeko e! tsisy tambiny io an!
Hametraka hevitra
Midira aloha
Momba ny tononkalo
Mpanoratra : Rado
Nampiditra : Oully
Daty : 05/10/2003 16:17
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.01