INAY - Rado

Inay aho nikimpy tsy nety nijery
Ilay endrika kanto nisaloranao
Kanefa indrisy tsy nety voatery
Fa mbola tsy nisy nitovy aminao

Inay aho nangina, nanjaitra ny molotro
Tsy handoatra ny raki-pitia notrotroiko
Kanefa tsy nety, tsy maintsy natolotro
Nanosika mafy ahy mantsy ny foko.

Inay aho nanery ny tenako ihany
Na oviana na oviana, tsy hanoroka anao
Nefa inona indray teto ambonin'ny tany
No mamiko mihoatra an'izay taminao?

Inay aho izao...Inay aho ireny...
Raha toa tsy niombom-panahy aminao
Kanefa naleoko tan-kibon'Ineny
No efa tsy àry raha toa tsy ho anao!

Hevitra mandeha

AZTECA (03/09/2019 14:50:48)

faran'izay tsara!
...
fa mbola kanto toy izany koa ny nihiran'i salomon azy
....

ikalamako (08/09/2019 17:50:28)

Toa Roland Raelison no nanisy feon'izy ity fa tsy Salomon raha tsy diso aho.

AZTECA (09/09/2019 08:42:14)

eny, tena marina tokoa izay satria i faniry zafikeliny @izao no mihira an'io
.. fa talohan'izao efa nisy version iray hafa koa dia i Salomon no nihira azy

Hametraka hevitra

Midira aloha

Mombamomba

Mpanoratra : Rado

Nampiditra : elnilbleue
Daty : 30/05/2018
Mpamangy : 5320
Mankafy : 6

Tononkalo hafa

Ny poeta
TOPIMASO
RAY Ô!
Angamba
VOUROMANGA
Mpangalatra
SEPTAMBRA
halako
SATRIKO HOLAZAINA ANAO
RAVIN-KAZO MAINA