You are here: home > Vetso

Satriko - Rado


Be ny zavatra ao an-tsaiko
Rehefa injay hahita anao
Satry foana re, ry Aiko,
hotantaraina aminao ...

Vonikazo
iray nalazo ...
                    Satriko holazaina anao !
Angano iray mba sendra reko
Hira kely notendreko ...
                    Satria holazaina anao !
Zazakely menavava
Maha te hanongo lava
                    Satriko holazaina anao !
Trano rava sady may
teny ambanivohitray ...
                    Satriko holazaina anao !
Sarin-dreniko fahiny
Sendra hitako ankehitriny ...
                    Satriko holazaina anao !
ilay isika tratra hariva
Raha nijery an'i Tritriva ...
                    Satriko holazaina anao !
izany ilay fangitakitako
fony vao ianao no hitako ...
                    Satriko holazaina anao !
Ny fideran'ireo sakaiza
Ny endrikao hatraiza hatraiza ...
                    Satriko holazaina anao !
Ny fangatahako miavaka
Ho anao rehefa hivavaka ...
                    Satriko holazaina anao !
Satriko izao sy izao
Hotantaraina aminao ...

                    Kanjo lalina, Rahavako
                    fa voafatotra ny vavako
                    Nahoana re no tsy voalazako ?
                    feno angamba ny fitiavako
                    Ka oroka mangina ihany
                    sisa nilazako izany !

Sokajy : Fitiavana

Mombamomba

Mpanoratra : Rado


Nampiditra : Oully
Daty : 03/10/2003
Mpamangy : 9817
Mankafy : 11
Ankafizo Azo vakiana?

Tononkalo hafa

INAY
TOPIMASO
RAY Ô!
Angamba
VOUROMANGA
Mpangalatra
SEPTAMBRA
halako
SATRIKO HOLAZAINA ANAO
RAVIN-KAZO MAINA

Hevitra mandeha

Miha (31/12/2003 12:02:25)

Mahafinaritra ny tononkalonao.Ankoatra izay tsara ny maka inspiration amin'ny mpanoratra kalaza fa ny maka tahaka tsy d azo atao e!
zay fa bon courage e!

booboo (14/12/2004 10:50:39)

ny ahy tonga dia oroka be dia be mihitsy no asoloko ny bla bla bla fanaoko aminy rehefa ilay tena feno iny foko fa tsy hitako intsony hoe inona no ho tantaraina azy voalohany :)

booboo (14/12/2004 10:51:45)

MIha>tsy an'i Oully io fa tena Rado no nanoratra io raha fa Oully nitatitra teto @ takelaka fotsiny :)

sofina02 (22/05/2006 07:31:13)

malaza tena mahay manoratra tononkalo ianao ka mba hanoraty tononkalo aho de atovy hoe toavina ny titre zay e! bye

Hametraka hevitra

Midira aloha