You are here: home > Vetso

TOPIMASO - Rado

Topimasonao nandeha tan-kisendrasendra angamba
Ilay namaly ny ahy variana revo tamin'ny endrikao.
Nefa dia tsaroako loatra ho nahadala, nahajamba,
Nampisondrotra ny vidim-panombanako anao.

Dia natopinao indray fanindroany ny fijery
Sady nohalefahinao, novontosanao fanahy.
Ka nanonja hatrany am-poko ny akony maherihery
Fahiranon'ny fitia naharendridrendrika ahy.

Miha-mandevy hatrany hatrany ny hafanan'ny fo tanatiko
Tsara taniky ny topimasonao mivolon-danitra
Notsindriako tsy hihoatra, kanjo farany tsy tantiko
Tonga tsikin'ny fitia: fanjam-bony te ho hanitra.

Sokajy : Fitiavana

Mombamomba

Mpanoratra : Rado


Nampiditra : elnilbleue
Daty : 29/05/2018
Mpamangy : 2050
Mankafy : 0
Ankafizo

Tononkalo hafa

INAY
RAY Ô!
Angamba
VOUROMANGA
Mpangalatra
SEPTAMBRA
halako
SATRIKO HOLAZAINA ANAO
RAVIN-KAZO MAINA
MENA

Hametraka hevitra

Midira aloha