Vavaka (Rado)

Nantsain'i ikalamako
(Nalaina tao amin'ny vetso.serasera.org)
Tompo รด! mafisa fo,
Ka aza omena valiny aho
Na mangataka aza anio!

Fa iangaviako Ianao!
Omeno an'ny rahalahiko,
ary ho azy manontolo,
izay fangatako isanandro!

Omeo an'ireo mahantra
izay fitafiko androany
Omeo an'ny maro anaka
ny sakafo anio tontoloko,
Omeo an'ireo sahirana
izay anjara tsikitsikiko,
Omeo ho an'ireo voazioga
ny fahafahako anio.

Avela aho mba hangatsiaka,
Avela aho mba hitofezaka,
Avela aho mba hitomany,
Avela aho mba ho voageja,
na anio fotsiny aza!

Sao izany no hanamaivana
ny am-paham-pahoriana
entiny mandavataona ...
sy ny masoandro takona
lolohaviny isanandro.

sady koa mba hamantarako
ny fitiavantena-disoko,
fa ny ahy hatrany hatrany
no efa niadiako fo,
rehefa mba mivavaka aho,
ka hadiniko ny hafa.

Koa italahoako Ianao:
Hadinoy aho, anio!
--------
Rohy:
16025 9
Hevitra mandeha
bichette ( 07/09/2004 07:17)
?????? tsy haiko izay ho tenenina ....
NyKanto ( 07/09/2004 08:46)
Nanganohano ny masoko teo ampamakiana ity tononkalo napetrakao teto ity ry Oully.

Ny Kanto namanao.
Oully ( 07/09/2004 10:34)
Ry Namako,
Teo am-pahametrahana ity vavaka ity koa aho dia sady mangorangarana ny vatako iray manontolo ... no lasa ny fisainako hoe hatraiza marina aho no sahy mangataka ho an'ny hafa ka minia tsy mijery ny adiko sy ny fitiavan-tena disoko ...
Mahereza avokoa !!!

NB: Tena mahay ny mpanoratra!
yonikafopl ( 08/09/2004 19:14)
misaotra an'i oully fa tena mahatsiaro ho tia tena tokoa ny tena manoloana io vavaka io. Mampahatsiahy izay tokony hatao.
crrlanto ( 13/09/2004 19:48)
zany no tena tononkalo,tena tia ny mpiarabelona azy ny mpanoratra,misy aina ny tononkalo,miaina,tohizo
ledada ( 08/12/2006 07:13)
Hoy i E.D Andriamalala: "fa ho mohaka ny tanora nobeazina t@ sentosrnto sy fangorakorahana.."
Fakafakao sy tsikerao
nabason ( 04/09/2008 11:51)
misaotra anao e
rfanomezantoky ( 24/09/2019 08:32)
Amena ny farany na dia mavesatra aza ny tonom-bavaka voalaza
Hametraka hevitra
Midira aloha
Momba ny tononkalo
Mpanoratra : Rado
Nampiditra : Oully
Daty : 06/09/2004 23:46
Antsantononkalo
Nantsain'i ikalamako
© Eugene Heriniaina - serasera.org 1999 - 2024 - page load 0.0144