You are here: home > Vetso

MANKALOILOY - RAFENOMANANTSOA SANTATRA

Mankaloy ny mitazana
vazan-tsamy vazana
mifamahan-drora
somary matsora
.
mankaloy ny mijery olona
mifandona lavaka orona
sady manao kileladelaka
hoatra ny biby pelaka
.
tsy maintsy mahasotro
rano iray isan-tsotro
ny lavaka faha enina
isaky ny mitelina
.
mankaloy ny mijery lavarangana
mifampihinana mitsangana
ery ambody manga sy hazo
misy karazam-boankazo
................

MPIVARO-BAVA

Tsy efa ohatrinona zay ny vola azonao rafanja
tamin'ireny fotoana niakaranao ny kianja raha ianao nivaro-bava sesehena
tamin'ny fifidianana filoham-pirenena
.
firy izao ny fampanantenana poakaty
nomenao ireo vahoaka malagasy
raha ianao nivaro-pahaiza-miteny
tamin'ireny majinika ireny
.
lavitry ny maro ny anao ny famarotana
vava mivolana tolom-panavotana
raha nikabary teny ambony kianja filalaovana tamin'ireo adrisa gasy nataona fitaovana
.
Inoako kosa angamba fa efa be ny lafo tamin'ireny vava teny amin'ny kianja mitafo matoa ianao maka karazana mpanakanto hisarihana ireo vahoaka mba handatsa-bato
.
haiko tsara fa ny anao ny vava no amidy mba hambaboana ny fon'ireo mpifidy
matoa efa miha manakaiky ny fotoam-pifidianana
zay ianao vao mody manome ny tsy manana
.
ekeko fa misy ihany ny zava-bita
fa ny angezany ohatran'i pitik'i lita
dia tsy ampy hividianana vary sy laoka
ireny ambiny kely zarainao am-vahoaka
.
firy indray izao ny isan'ny fampanantenana bobongolo
omenao ireo vahoaka malagasy tsy vaky volo
rehefa ianao hilatsaka amin'ny valo amby folo sy roarivo
ry mpitondra firenena ao Antananarivo

Sokajy : Aingam-panahy

Hametraka hevitra

Midira aloha