You are here: home > Vetso

MPIANDRY FATY NODY MANDRY - RAFENOMANANTSOA SANTATRA

Vao lasa nandrasana
dia tonga ny fasana
naka ireo mpiandry
efa nody mandry
.
raha vao lasa kely izy
dia lasa koa ny ankizy
miara-pianakaviana
nanara-avy ato aoriana
.
mihisa sivy ireo ririnina
hita faty raha nosokirina
ny iray efa voasingotra aina
tamin'ny alahady maraina
.
nandefa rivotra sy rano
handrodana ny trano
iny rivo-janahary
omaly fito janoary
.
hatra tsy nampiomana
ny anina sy orana
ka namaky ny fitaratra
feno oram-pahavaratra
.
oo ry ranomaso
aoka izay ny ankaso
fa efa be ny zera
nataonao sy aera
................
REHEFA NY OLONA AMBONY

Rehefa ny ny olona ambony no atao famotorana dia indray andro ihany dia afa-patorana satria izy manana vola sy harena hanambatambazana ireo tia tena
.
rehefa ny olona ambony no manao heloka be vava dia tsy azo tifirina amin'ny basy maro vava satria izy no mibaiko ny mpitandro filaminana dia izay no antony tsy azo hitifirana
.
rehefa ny olona ambony no manao kolikoly dia mody hoe gadraina nefa omena fialamboly any amin'ny toerana lavitry ny adrisa ilay Antanimora tena paradisa
.
rehefa ny olona ambony no mandalo fitsarana dia afahana madiodio satria ambony lalana ireny ilay antsoina hoe tsy maty manota tsy mba tonta kely intsony fa tena hoe tonta

Sokajy : Aingam-panahy

Hametraka hevitra

Midira aloha