You are here: home > Vetso

LAY FITIA NAJORONTSIKA!!! - raims randriamalala (mahavonjy aimé)

LAY FITIA NAJORONTSIKA!!!

izaho tsy hiasa-asa saina
intsony izay mombamomba anao
na hiferotr'aina
Ny amin'izay mety ho ditranao

fa aleo ho fanaranako amin'izay
ireny tambitamby nifanaovana
ireny sangisangy hatrizay
angamba izao koa no ora hifandaozana

Na mbola ao anatiko aza ny fitiavana
dia ialako tsiny fa tsy ho anao intsony izany
eny fa na te hisonanika hitavana
dia aleo ho an'ny hafa ireo sisa tsy lany

laony izao ny foko
tofoka tanteraka
fa rava antsokosoko
ka dia tsy ho asiako resaka

LAY FITIA NAJORONTSIKA  

nosoratan'i RAIMS RANDRIAMALALA (mahavonjy Aimé)
tanjombato 07/11/2017

Sokajy : Fisarahana, Fitiavana

Hametraka hevitra

Midira aloha