ILAY PÔKETRA MAINTY - Raims randriamalala (mahavonjy aimé)
ILAY PÔKETRA MAINTY!!!
Nitoetra ho fahatsiarovana
sinarotra adinoina
ilay pôketra mainty fivimbinao!
mantsy iny, voaloham-panomezana
ho fanam-porofoina
Ny fitiavako anao!
fanomezana kisendra
tsy dia naha-saro-pisaina,
nefa nahatahiry ny fitiavantsika!
tsy toy irony rado fanao an-tenda,
na toy irony raozy mena an-jaridaina
no nahamafy horina ny fiarahantsika,
fa iny pôketra mainty iny
no fatsiarovana tsara indrindra
tamin'ny tantaram-pitiavantsika
mbola voatahiry ao ireo lasa ny fahiny
mbola voatahiry ao ireo kalo tsara rindra
mbola voatahiry ao ilay sary indray mipika
nanamarika ireny fiarahana nigohana ny mamy
fa ankehitriny ireo tsiaro-dasantsika
toa mampirongatra vinany,
toa mampanembona ny vita!
Nosoratan'i RAIMS RANDRIAMALALA (Mahavonjy Aimé)
06-08-2018 tao tanjombato
Mombamomba
Mpanoratra : Raims randriamalala (mahavonjy aimé)

Nampiditra : raims randriamalala
Daty : 06/08/2018
Mpamangy : 433
Mankafy : 0
Ankafizo
Tononkalo hafa
tiako ianao 3IANAO ILAY POETA
ASAKASAKAO
TIAKO IANAO 2
TETO
TAMBERIN-TSIAHY
AZA ATAO HO VOADY
TERAKA HO AN'IZA?
satriko hihira
ILAY MANJAKAMIADANA