You are here: home > Vetso

IMPIRY IANAO - raims randriamalala (mahavonjy aimé)

Impiry teo amin'ny fiainanao ianao nahita fahombiazana!

impiry ianao no nitia
ary impiry ianao no nahazaka
Impiry ianao no nankafy
Ary impiry no voadaka

impiry ianao no niezaka
ary impiry no nanolotra
impiry ianao no ketraka
ary impiry koa no sosotra

impiry ianao no nikely aina
ary impiry ianao no nisasatra
impiry ianao no nitaraina
ary firy no hany tonga lafatra

impiry ianao no nivavaka
ary impiry no nangataka
impiry ianao no nibebaka
ka impiry no  tavela anaty lavaka

impiry ianao no bedy
ary impiry no voakapoka
impiry ianao no nikendry
ka impiry no sendra ny tampoka

impiry ianao no kivy
ary impiry ianao no faly
impiry ianao no nitsiky
ary impiry no nijaly

impiry ianao no ory
ary impiry no nitraka
impiry no  afa-tsorisory
ary impiry no nizaka

impiry? fantaro hoe impiry

nosoratan'i RAIMS RANDRIAMALALA (Mahavonjy Aimé

Hametraka hevitra

Midira aloha