You are here: home > Vetso

Adim-piainana - RAMANANTSOA Ricardo



Ry fiainana an-tany be setrasetra
Toa  zary fisaonana ny andro rehetra
Izay  natao mba ho tsara fiafara
Nefa indrisy fa toa rako-panala
Toa ela fiposaka ilay fahazavana
Fa haizina foana no mba hombana
Ny lalan-kaleha toa tery dia tery
Ny vatana anefa toa tsy ampy hery
Ny fo toa mazoto, ny saina hikiry
Izay zava-bita anefa tsy misy firy
Ka voatery ny tena indraindray
Hisotro toaka na hirevy divay
Na dia fantatra aza fa tsy vahaolana izany
Tsy mahagaga anefa fa fombany ihany
Ny fiainana mihitsy no mahatonga hisotro
Fa sady manosika no mirotoroto
Mipepipepy mitady izay hohanina
Matetika mihitsy no manova planina
Ka mivalaketraka avy eo ny kranina
Fara hery misotro mba ho fanimpanina



RAMANANTSOA   RICARDO

Sokajy : Ady, Fahantrana, fiainana

Hevitra mandeha

vetsoko (13/12/2004 20:15:19)

aza mandainga fa mpanoratra kay ianao,sa tsy soratra io ?

mifau (16/02/2010 11:51:02)

d ts maints misotr kos v?At tss lé av@fitiavana raràn'ol ren v d lasa mpivad ian@faran e?De Mifau.

Hametraka hevitra

Midira aloha