Moa mba fantatrao? Ny mia (Ra'Ony)

Mbola tsisy niantsa

Hangataka antsa
(Nalaina tao amin'ny vetso.serasera.org)
Moa mba fantatrao?
Ny miafina tsy hita, ambadiky ny volana
itony adin-tsaina, fa mafy e ny olana??
ny taratr'andro sasakalina, manoritra amin'ny tava
kanefa hiniana afenina, fa ratsy tsy mazava?

Moa mba hitanao
ny tana-mitanisa, ny lasana any ho any
misaina paradisa, mamadibadika ny tany?
Dia mba manisa kintana, fa mamy hono izany
kinanjo ratsy vintana, dia niondrika amin'ny tany?

Ary moa mba henonao
lay kalo tsy tononina, vetsoina sasakalina
lavin'ny mpiaramonina, dia mailo sady malina?
manafina ny hita, milefa ndrao tsy ho vita
ilay toky niampita, fa simban'ny hatsiaka?
--------
Rohy:
Sokajy : Aingam-panahy
1048 0
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0098