You are here: home > Vetso

ANJARA - raozy

Fanazavana mikasika ireo andian-tononkalo nosoratana :
« Mitady vady »
« Tonga soa »
« Herinandro »
« Weekend »
« Reveko »
« Avoty kely »
« Ernestine »
« Hody »
« Tsenao »

ANJARA

Misaotra anareo izay nandefa MP
na kiana na sitraka bobakabe
Vao miainga dia ahitsiko ange azafady
Tsy izaho akory no MITADY VADY

Izay ilay « inspiraka » dia nozaraina
Sendra bandy akama izay nitaraina
Taty izy mantsy no naka sopapa
Fa mandroso ny taona, leiry te ho Papa

Izy hono leo ilay tokana irery
Tsy ratsy hono izy nefa tsy misy mpijery
Nandritra ny fiainany hono izy ni –« sacre »
Nefa ny « resultat » izao tena « massacre »

Izaho moa mihaino, izy mitantara
Ireo sera sy tetika hahazahoam-bady tsara
Izay rehetra nataony lasa fihomehezana
Tsy mety hitany hono ny taolan-tehezana

Sady nalahelo izy fa diso fitia
No nisaotra ahy ihany koa amin’ny « therapie »
Ny tononkaloko hono lasa mitsabo
Ilay « morale » ny latsaka, lasa aboabo

Mbola hiverina hono izy hitondra raozy am-pehezana
Hi-« commande poesie » hatao fanomezana
Fa androany hono izy efa mahatoky tena
Hoe ilay mitady vady tsy toy ny miantsena

Efa najanony hono ilay « casting »
Io tsy « action commerciale » tsinona
Tsy maninona koa fa izy hono hino ny anjara
Na ho ela na ho haingana andrasany tsara

© Raozigasy

Nb :
Ilay teny vahiny natao fanahy iniana
Satria misy hafatra tiana tsindriana
Tsy ilay teny gasy akory no tsy hay
Izay no valin-teny ho an’izay olona izay


Mombamomba

Mpanoratra : raozy


Nampiditra : raozigasy
Daty : 24/10/2014
Mpamangy : 4432
Mankafy : 1
Ankafizo

Tononkalo hafa

Rasiza (tohiny)
TSENAO
HODY
ERNESTINE
AVOTY KELY
REVEKO
WEEKEND
HERINANDRO IZAY NO LASA
ATY TANA
Iza ianao ???

Hametraka hevitra

Midira aloha