Aza ambara - raozy
Aza avelanao hitroatra,
fa fihino ho anao mangina
izay fitiavana tsy tanty
Aza avelanao hihoatra
ireo hetaheta faniriana
fa tazony ao anaty
Aza avelanao ho fantany
ilay Tia tianao abaribary
fa fehezo tsy hiloaka
Eny aza ataonao fantany
ary aza atao miharihary
tehirizo mafy tsy hivoaka
Fa
Ilay fitia tsy nolazaina
ilay fitia tsy tantaraina
ilay fitia tsy abaribary
ilay fitia izay mankarary
Sao tsy hisy vidiny aminy
Sao ny fitiavanao tsy maminy
Ka
Ilay sarobidy taminao
no voamboraka k'andrao
hampangasihasy fo
f'ianareo natao tsy ho roa
Ka aza ambaranao azy
sao raisiny ho vazivazy
Tononkalo hafa
SamitianaNoheveriko
Aza ampirongatinao
Nitriatra indray
Iny aliko iny
HAFATRA ADALA
Taona 15
Noely hono,
Lasa fisainana
TSIKY KAY DIA AMPY
Hevitra mandeha
atonamia (01/02/2010 00:11:46)
Raha midobodoboka be ny fo,
Ka mahatsiaro fa tena tia tokoa,
Tazony ho anao mangina ihany,
Aza avela ho re tany,
Aza apotra amin' ilay tiana,
Hafeno mafy modia variana,
Satria raha fitia tsy tanteraka
Hanimba anao handavo handreraka
Ka hahatonga fijaliana
Hikiky anaty anao mangina
Kanefa izany rehetra izany
Ho lefy ihany hihalany
Ka mba tsy ho nenina hahavoa
Mba tsy ho tara fa voasaina aloha
Dia ... tazony, hafeno, hidio ho anao
'Ty fitia miredareda koboninao
Elihangy (03/02/2010 15:09:35)
afeno ihany f'aza miteniteny mitsy ... ny tena tia hono dia ilay tia fa tsy miteny!!!
