You are here: home > Vetso

Ialahy no heriko - raozy

Tsy niasa aho leitsy androany , fa maina ny tsena
Tsy nisy « batelage » ireo mpivaro-kena
Ireo « quincaillerie » tsy mila koa « docker »
Ireo taxi-brousse efa betsaka mpanera

Hafa ny taloha hoe manao « porté madame »
Na hoe miandry fiara, dia miasa mba milamina
Na mitaona zezika dia manao zaridaina
Dia mahazo jinjany, mba mitsitsy aina

Ry zalahy sahy sy matanjaka izao lasa « ni-sam »
Na eny amin’ny ambotaka, mandeha mamaky « vam »
Fa isika leitsy zanako, isika tsy hoatr’izany
Na mafy sy mandatsa aza, ny fiainana eto an-tany

Naleoko leitsy nody, mijanona ato an-trano
Miaraka amin’ialahy, sy manala hamohamo
Anio isika hilalao, dia hianatra manisa
Hanosika biriky, sy hanao gorisa

Avia ialahy hanamboarako, fiara amin’ny kapoaka
« Scoubidou » efa valaka, no andao asiana loaka
Dia hatao « pneu » asiana tariby
Io leitsy 4x4, mandehana maka fy

Rehefa faly ialahy, izaho mahazo aina
Hitako misokatra ny vavahadin-tsaina
Ialahy rehefa mitokelaka, izaho mahazo hery
Ny fitiavako an’ialahy, mampanadino fery

Izay fa ndana milalao ery ambony fasika
Aleo izaho sy ny saiko aloha mba hitatasika
Handinika ny ho avy , haka hery vao
Fa rahampitso izao, tsy hay izay mbola hatao

© Raozigasy 15/08/15

Mombamomba

Mpanoratra : raozy


Nampiditra : hery
Daty : 28/02/2019
Mpamangy : 385
Mankafy : 2
Ankafizo Azo vakiana?

Tononkalo hafa

Rasiza (tohiny)
ANJARA
TSENAO
HODY
ERNESTINE
AVOTY KELY
REVEKO
WEEKEND
HERINANDRO IZAY NO LASA
ATY TANA

Hametraka hevitra

Midira aloha