You are here: home > Vetso

ILAY VOLANA - raozigasy

ILAY VOLANA

Ilay volana hitantsika,
tsinana sy fenomanana
Dia sinto-maso iray midika,
fa misy zavatra ikambanana

Ilay volana fijery,
rehefa lasana vinany
Dia mifono misitery,
mitondra lavitra any ho any

Ilay volana tomaratra,
ilay loloham-panazava
Dia tsidik’herinaratra,
mampisinda alo-tava

Ilay volana baliaka,
jeren’izao tontolo izao
No rohy mampisera antsika,
am-betsovetso toy izao

Sokajy : Aingam-panahy

Hametraka hevitra

Midira aloha