You are here: home > Vetso

Sokafy ny fonao - raozy

« Sokafy ny fonao »
izay no teny farany
nisarahantsika

teny anefa izany
teny tsotra ihany
fa ao anatiko ao
toy ny ao anatinao
efa nisy fo
iray fa te ho roa
fo efa misokatra
fo efa mamokatra
mamokatra fitia
te ho any, te ho aty

tsy tokony hoe sokafy
angamba no nafafy
fa teny hoe “sahia”
mianatra mitia
na hoe mitiava indray
ka roa hanjary iray
tsy misy elanelana
ka fitia hamelana
sy fitia hamoa
no hanokatra ny fo

Sokafy ny fonao
Dia ho tsapanao
F’efa any kay
Ilay olona izay
Lavitra akaiky
Potika taraiky
Efa babonao
Tena babonao
Manantena hono
Miandry anao ny fony

Ny hamaranana azy
Sady teny farany
“Sokafy ny fonao”

Paris 21-06-04

Sokajy : ahy, manokana

Mombamomba

Mpanoratra : raozy


Nampiditra : raozigasy
Daty : 21/06/2004
Mpamangy : 1354
Mankafy : 4
Ankafizo

Tononkalo hafa

Rasiza (tohiny)
ANJARA
TSENAO
HODY
ERNESTINE
AVOTY KELY
REVEKO
WEEKEND
HERINANDRO IZAY NO LASA
ATY TANA

Hevitra mandeha

NyKanto (22/06/2004 14:57:53)

Tsy hitako r'ise izay hambara ho an'ise ... ireny efa hitantsika ireny ny tantara, ny hany teny kely holazaiko dia hoe "tazony mafy ny fanantenana, fa io no hampitsiky ny ampitso n'inona n'inona miseho ... ary hono ho aho efa sahy ve ise nanambara ilay hoe "tia" sy "sahia" sa mbola nijanona ho vetson'tononkalo foana hatramin'izao, sao anie dia tsy hitany na ko tsy reny izany hataka izany na dia efa iraha-mahita fa mibaribary be aza izao ... Mankafy ilay sanganasa eh!
Ny Kanto.

booboo (02/07/2004 12:44:22)

Tsara @ lafiny rehetra ilay tononkalo Raozigasy a ! dia enga anie hamelana foana sy hamerovero hatrany ihany koa ilay Raozy :)

Hametraka hevitra

Midira aloha