You are here: home > Vetso

VAOVAO NY TAONA - raozy

VAOVAO NY TAONA

Vaovao izao ny taona,
Ary ianao moa mba  ahoana !!!
Mba efa nisy fiovany
Sa ilay fantatro iny ihany

Dia inona ary moa  izao
Ny mba fenitrao vaovao
Sa ny omaly tsy miova
No hajanonao ho lova

Asa re izay valin-teny
Na ho Tsia na ho Eny
F’izaho koa toa mitsaratsara
Fa ny ahy angaha moa mba tsara

Ka ahitsiko ny teniko
Sao lahy ka dia ho neniko
Ity manontanintany foana
Ny fiainan’olona hoe ahoana

Fa aleo aho mba handinika
Eny hatramin’izay madinika
Hijery todika ny lasako
Izay no ataoko ho lahasako

Ary avy eo vao mba miteny
K’izay tsy nety tamin’ireny
Hojerena sy ovaina
Ny ratsy moa dia hohatsaraina

Aleo aho manontany tena
Vao ny an’ny hafa no jerena
F’izaho angaha moa no tonga lafatra
No miseho be hafatrafatra

Ka izao sisa no lazaiko
Ataoko fehiny ato an-tsaiko
Vaovao izao ny taona
Ary izaho moa mba ahoana ?


04-01-2006






Mombamomba

Mpanoratra : raozy


Nampiditra : raozigasy
Daty : 04/01/2006
Mpamangy : 2287
Mankafy : 0
Ankafizo

Tononkalo hafa

Rasiza (tohiny)
ANJARA
TSENAO
HODY
ERNESTINE
AVOTY KELY
REVEKO
WEEKEND
HERINANDRO IZAY NO LASA
ATY TANA

Hevitra mandeha

Ingahy (27/01/2006 15:51:30)

Mitsara ny mpanoratra eto nefa mahatsapa fa mba misy tsy mety koa ny azy
Fehiny:tsy misy tongalaatra eto an-tany ka tsara ny mifananatra

Soarilala (08/01/2012 22:12:22)

Vaovao izao ny taona
Ary isika moa mba ahoana?
Mbola afaka hihaona
Ihany ve sa ahoana!!!!

Hametraka hevitra

Midira aloha