Lalako (Herizo Ravonjison Andrianitsiahy)

Mbola tsisy niantsa

Hangataka antsa
(Nalaina tao amin'ny vetso.serasera.org)
Ny lalana hombako dia ny faharatsiana,
Be fahavalo tsy maintsy asiana.
Isan'izany tsy maintsy hiadina,
Ny hakanosana sy ny fahakiviana.
.
Nefa tsy maintsy mizotra fa izany no didy,
Tsy maintsy misotro na dia hita mangidy.
Efa nofanina ka tsy an-kiantso tody,
Satria efa voaomanana ny fanafody.
.
Ny lalana hombako dia be fahavalo,
Be rafy manohitra sy mampivalo.
Efa vonona hiady aho ka tsy maintsy mandalo,
Ka izay mitranga eo tsy hataoko hampimalo.
.
Efa voasedra aho ka maintsy mandia,
Voatery koa ka roso ny dia.
Tsy misy safidy ka tsy maintsy mitia,
Ny mitam-pody ihany no hatao sanatria.
.
Ny lalana hombako dia ny fahantrana,
TanĂ na hanjakan'ny tsy fahalalana.
Be rendrarendra sy fahadalana,
Matahotra ihany aho fa tsy misy azo ialana.
.
Ataoko ampinga ny ny saina maranitra,
Hoentiko miaro ahy amin'ny tsipikan'ny rivotra.
Ataoko hirahira ny lokon'ny lanitra,
Tsy maintsy tafita aho fa mila miharitra.
.
Ny lalana hombako dia ny setrasetra.
Be vatovato sy tsilo mandratra,
Handeha amin'izany aho fa tsy afa-mihemotra.
Te hitomany aho fa tsy misy adi-varotra.
.
Tsy maintsy mizotra na hita fa hady,
Efa voasedra ka tsy maintsy mangady.
Ka na inona hidona na hinona hianjady,
Manam-pinoana aho ka vonona hiady.
.
Hofikiriko mafy sy ataoko am-babena,
Ny sabatry ny hendry sy ny fanantenana.
Hihiaka mafy aho hoe fandresena,
Raha vao tafiditry ny varavaran'ny fahasambarana.
.
Nosoratan'i Herizo RAVONJISON ANDRIANITSIAHY
--------
Rohy:
735 0
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.012