You are here: home > Vetso

Poezia malahelo - Jeankely Razafimamonjy

Teto an-tany
aho nandeha,
Nirihariha
Nitandrozotra,
           Nitady:
Hafaliana
Haravona,
hasambarana,
Fiadanana.

Ireo sarobidy
indrindra amin'
izao tontolo izao
Maro mpitady
sy mpikaroka.

Nihanika vohitra
Nandia lohasaha
Niatrika fahavalo,
Nanohy ny dia.

Niroso ihany aho
Namakivaky ny alam-
java-poan'ny tany,
Ilay sarobidy.

Nankafy sy tena,
nanararaotra, ny
fanomezana mamy
natolony,tsy nandá.

Tena nitia aho
nitia ny tany,
jamba sy tena rava
tanteraka,tena tia.

Tsy niheritreritra
ny fisarahana izay,
hoavy,ka hanjaka,
omen-drafahafatesana.

Mandom-baravarana
tsy ela fihavy
fa indro izy tonga
eto am-baravarana
mandona,mitady izay
harapaka.

(jb Razafimamonjy)

Sokajy : Fahafatesana

Hevitra mandeha

hasiniony (05/02/2011 11:10:09)

Kanefa hoy izaho:
mitrakà ry ilay varahi-nofo
fahafatesaha mitraho?
Resin'ny fitia niapofo...
Fa na hanototra ny tany
hanindry koa ny ralongahy
tsy faharesena letsy izany
Fa tsangambato ho an'IALAHY

Hametraka hevitra

Midira aloha