SATRIA IANAO POETA! - Joda Razakasoa

SATRIA IANAO POETA!

Ianao ilay olona miavaka,
ianao ilay mitondra ambavaka
an-tsoratra hoan'ny tanindrazana,
ianao ilay manana finiavana,
satria...satria ianao poeta!

ianao ilay misolovava ny vahoaka,
ianao ilay miezaka mamoaka
ny vetsovetso ao anatinao,
sakaizam-penina isan'andro lava izao,
satria...satria ianao poeta!

lainga raha ianao misangy morona,
ianao ilay mitia mitolona
ho antoky ny tena fahafahana,
ianao ilay olom-pivavahana
satria...satria ianao poeta!

ianao ilay mitondra hetaheta,
ianao ilay manana talenta
miavaka amin'ny rehetra,
ianao ilay manana saina avo lenta,
satria...satria ianao poeta!

~~~~~~} JODA RAZAKASOA-AMBATOFOTSY-TRARAFARA-FIADANANA