HABAKA (RFE Andria)
Mbola tsisy niantsa
(Nalaina tao amin'ny vetso.serasera.org)
HABAKAIny lanitro iny
Ravahan’ireo kintana an’alinkisa
Maha-te hivahiny
Satria dia tokonan’ilay paradisa
Ny ao ilaozan-tsento
F’anjakan’ireo kintana mamiratra
Tontolom-betsovetso
Lavitry ny fotaka mandrevo sy ny dilatra
Habakaba-nofy
Hazavain’ireo jiro kintan-manjopiaka
Manaisotra ireo rofy
Natonton’ny eto sy ny olany mandriaka
Habaka « fitiavana »
Ilomanosan’ireo tia sady tiana
Tsy manavangavana
F’anasana anao higoka am-pifaliana
Ianareo sakaiza
Na ny tamin’ny omaly na ny ankehitriny
Na aiza na avy aiza
No kintana mandravaka iny lanitro iny
RFE Andria – 26/04/2015
--------
Rohy:
Sokajy :
Namana
Mpakafy:
hjravs
Hevitra mandeha
hjravs
(
27/04/2015 05:13)
Mahafinaritra 'lay aingam-panahy, omeko isa 5!
Arofanina
(
02/05/2015 15:12)
Misaotra nankafy sy nanome isa 5!