MITOMANIA FA MITRAKA (RFE Andria)
Mbola tsisy niantsa
(Nalaina tao amin'ny vetso.serasera.org)
MITOMANIA FA MITRAKÁIanao izay mahatsiaro ny fandalovako eto an-tany
Arotsahy ny ranomaso raha toa ianao te hitomany
Nefa aza mitanondrika fa mitrakà hatrany hatrany
F’izay ny làlana hodiaviko : ny mankany mankany
Tsy maintsy hilaozako ny eto, ity fiainana mavàny
Ity tontolo feno sento, hankanesako any ho any
Fa ity nofoko malemy hody vovoka ihany
Kanefa ny fanantenako Ilay Mpamonjiko, tsy lany
Ireo fahotana nibebahako, navelany sy nosasany
Ny ratsy vitako rehetra, norakofany ny rany
Ny fahalavoako tsy voaisa, nareniny sy nofafany
Koa atrakao ny loha fa aoka tsy hijery ambany
Injao maneno ny trompetra, tsy renao ve ? Injany !
…
RFE Andria – 13/05/2015
--------
Rohy:
Sokajy :
Fahafatesana
Mpakafy:
haraldtohaina - Arofanina