REVY SA DITRA...? (RFE Andria)
Mbola tsisy niantsa
(Nalaina tao amin'ny vetso.serasera.org)
REVY SA DITRA ?Revy ary ve sa ditra
Ny fiarahantsika roa ?
Fa fitia tsy mety ritra
No manenika ny fo…
Toa satriko ihany akia
Hianoka eo an-tratranao
Sy higoka ilay fitia
Tohofiko eo imolotrao…
Ireo safosafonao tsy lany
Mitarika ahy hanonofy
Mamiko sy fy hatrany
Manala lemy sy ireo rofy…
Tsy te-hahalala raha izaho
Hoe revy ary ve sa ditra ?
Ny tenako no mitalaho :
« Avelao aho mba hisitra… »
RFE Andria – 24/03/2015
--------
Rohy:
Sokajy :
Fitiavana