HAFATRA (rfra)

HAFATRA



Nianatra aho sy nampianatra ho an'ireo zanako
Nizara ireo fahaizana kely ananako
Nampiseho tsy hanitsaka ny hafa
Ireo no fitaratra ho diavin'ireo zanaka
Tsy mba menatra ny miteny
Satria tsy mitovy ny fiteny
Raha misy ady hevitra sy fiteny
Raiso, raha misy lesona ny hevitrin'ny teny
Ninon'inona izay miantra
Dia mijoro sy mitraka
Ataovy hery mba tsy ho lanjaina
Fa mahatsara ny tena sy ny saina
Mifalia sy mivavaha
Andriamanitra dia tsy manda
Hafatra iray fa tsy ho ahy
Tsaroan'izy ireo foana mandrakizay
Mbola zaza izy ireo ka mila modely
Neny sy dada dia tsy manadino velively

2004

Faraniaina RAKOTOARIVELO
--------