You are here: home > Vetso

FASANA - RLDV

Trano maromaro eo an-tampon-kavona
Tsy mba namboamboarina foana
Fa natao hatoriana rahatrizay
Sy hodiana vovoka mandrakizay.

Trano narafitra tamin ny vato daholo
Ka natao iray ny endriny manontolo
Voadidina avero ary bozaka aman ahitra
Izay somary mangina ka manjary mampatahotra.

Trano fitoeran ireo karazam pahoriana
Sady tsy mba nahazoana fifaliana
Fa fitobian ireo ranomason alahelo
Izay manjary fitoerana avelo

Saika ahitana olona iantefam pijaliana
Ka misaraka tsy fidiny amin ny fianakaviana
Noho ny anjara ratsy sy ny fahafatesana
Izay miatraika aminy ka mampitondra faisana.

Sokajy : Aingam-panahy

Hametraka hevitra

Midira aloha