FITAKA (RNofy)
Mbola tsisy niantsa
(Nalaina tao amin'ny vetso.serasera.org)
FITAKAIzay rehetra nantenaiko
mba ho fifalian'ny saiko
Dia niova tsy nilaiko
fa nampijaly ny aiko
Izay rehetra nandrandraina
toa nampiferin'aina
Fa ianao ilay nantenaina
Lasa vesatry ny saina
Nilokaloka ny maraina
Hajaiko ianao sombiniaina
Dia indro nampanantena
Ianao ihany no lalaina
Hay niova ilay tontolo
Ka zary nampitsangam-bolo
Hay moa poak'aty daholo
'Reo tokinao namono lolo
--------
Rohy:
Sokajy :
Fitiavana
Mpakafy:
RNofy
