Izay ihany (RNofy)
Mbola tsisy niantsa
(Nalaina tao amin'ny vetso.serasera.org)
Izay ihanyRaha hihomehy ianao tsy maninona
Kanefa aza ataonao tsinontsinona
Ny tsy fafehezako ny teny vazaha
Fa tsy mampitsanga-menatra ahy
Tsy hoe akory izaho no tena bado
Raha tsy mankafy ireny vazo
Miampy irony fomba sy lamaody
Izay mampitranga taola-maoja
Ny kolontsaina anie ananatsika
Fa naleonao ny avy any ampita
No nandrianina sy nolalaina
Ka dia voazanaka ny saina
Ny lovian'ny sahona tsy ihinanany
Ny valalan'ny amboa andosirany
Tsy sanatria akory mampitovy
Fa ny maha Malagasy no tandrovy
--------
Rohy:
Sokajy :
Kolontsaina
Mpakafy:
RNofy
