RY AIKO... (RRAG)
Mbola tsisy niantsa
(Nalaina tao amin'ny vetso.serasera.org)
RY AIKO...Mbola tsy ary ianao ry aiko,
dia efa tiako sy lalaiko,
efa ohariko amin'ny tenako,
toa ritsodritsoky ny fonenako.
Ka ny heriko rehetra,
sy ny aiko tsisy fetra,
dia atokako ho anao,
na mbola tsy ary aza ianao!
I Dada efa maika ery,
maika hizara ny fitia,
i Neny tsy mahandry hitrotro,
i Dada koa mba te hibotro!
Ry aiko! Mbola tsy ary ianao,
dia reko izany mitalaho,
reko miangotingoty,
asa mitady, angamba rotsirotsy!
Mbola tsy ary ianao dia tian'i Neny,
ny ainganao no zary hery,
mbola tsy ary ianao lalain'i Dada,
tsy andriny! Ianao 'lay mba hibadabada!
RRAG
21 Septambra 2018
--------
Rohy:
