ANJELY HAFAKELY - samiir lien'ju Rafaralah

Indray hariva tamin'izay
Tao an-tanānakelinay
Nisy tovovavy iray
Izay nambabo ny fanahy.
~
Tovovavy tsara bika
Meva endrika sy kanto
Tena tsotra sy sariaka
Amin'ilay fiteny toa milanto.
~
Ny tarehy malandilandy
Manintona sy mapadangy
Ny volo misahondrahondra
Mitopatopa toy ny onja.
~
Ny fitafy Malagasy
Tsy misy pentina na tasy
Atapin-doha ka am-paladia
Tena mambabo fo maha te ho tia