Bedao (SARONDRAHONA RAMBOLAMANANA)

BEDAO

Tsy takatro loatra
Raha ohatra hoe:
Te-hositranina,
Tonga Mpitsabo;
Fa asa aminao !
Kanefa lazaiko,
Fa fanararaotra
Izao fahazavana
Miposaka izao !

Ianao reraka iny,
Mba te –hotarihina !
Ianao nisarangotra
‘zay hisavilihana!
Fa mainka ana;
Ka izao no fotoana :
Aza havotsitra
Hiverina intsony
Ny FAHAZAVANA !

Satriko loatra
Raha ohatra hoe :
Ianao no manina
Ilay Andriamanitra,
Ka mba mitady !
Vonjivonjeo!
Fa ny valala
Tsy in –droa mandry,
Raha am –bavahady !!!

SARONDRAHONA RAMBOLAMANANA ( 033 14 253 57)
Faribolana SANDRATRA Antananarivo
Ambatomainty- Antananarivo, faha 23 Aogositra 2003
--------