. . . DIA . . . (SCOTLANDYARD)

Mbola tsisy niantsa

Hangataka antsa
(Nalaina tao amin'ny vetso.serasera.org)
... Dia . . .


Dia nantsoiko ianao ora iray mahery
Dia nasaiko namaky ary koa nijery
Ireo angonangon-teniko, ireo rangondragon-tanako
Ireo vetso tononkalo sy soratra mba namako


Dia teo isika roa, niresaka tsy nihafa
Nampiady karajia sy nitafatafa
Dia avy eo ianao namaky, tamim-peo milanto
Ireo kanto mba voarariko ka vao mainka kanto


Dia novakianao ho ahy ireo soratro ho santatra
Ka tan-tseratsera isika nifamantatra
Ka ireo tam-poko lalina, Voaafina voatakona
Naborakao indray, ka tonga aho dia ankona


Dia rahoviana indray, no hiresaka hivolana
Ny lalao mbola ho ela, ho lava ny diavolana
Ka ho tohizantsika an-tarobia indray
Ireo dinidinintsika manomboka mahamay.
--------
Rohy:
1205 0
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0442