DITRATSIKA (SCOTLANDYARD)

DITRATSIKA

Antsoiko sy antsaiko, izany anaranao
Kaloiko sy angolaiko, izany fiantso anao

Lalaoviko safoiko,ny lamosinao
laingoiko sy tsongoiko, ny nofon-tratranao

Hazoniko, fihiniko, ilay vatanao
ny molotro ankiniko, amin'ny tendanao

Ataoko izay tianao, sady ren'ny aiko
Ataovy izao sy izao ; hoy ianao mibaiko

Dia iny ianao kendaiko, sady koa sintoniko,
atosiko, viraiko, hontsoniko, tazoniko,

Ny vatanao idirako, toy ilay tianao,
aodiko, aorirako, ka ankafizinao,

Ny masonao mikimpy, sady maka fy
ny vatanao manimpy , mivoky ilay fitia

Bedaiko sy bataiko, ny fenao mangovitra,
fatorako, gejaiko, tsy hihetsika hihovitra,

ilay feonao mikiaka, tsy vonjy ny antsoiny
ilay antsonao migiaka, milaza ny ao am-pony

Anaty hatsembohana, kotsa nefa ritra
ka kiaka fiombonana no manapitra ilay ditra

ilay fifalianao sambatra, toy ny tsy eto an-tany,
f'izaho sy ianao mitambatra, ny fiainan-tena mamy

mifampijery isika, sady mipy maso
mitsiky ianao sariaka, izaho lali-maso
--------