FIRY TAONA MOA IZAY ? (SCOTLANDYARD)
Mbola tsisy niantsa
(Nalaina tao amin'ny vetso.serasera.org)
Firy taona moa izay ? Isika roa no hihaona
Tsy mba teny am-pamoloana
Na hoe antony mba tsara
No nanombohana tantara
Firy taona moa izay ?
Ilay antsonao an-tariby
Tsara resaka ery
Efa ora roa mahery
Nanomboka fangalam-piery
Firy taona moa izay ?
Ilay isika nifanaraka
Am-po an-tsaina tsy nisaraka
Na dia tsy nifanarahana
Hoe hatraiza ny fiarahana
Firy taona moa izay ?
Ilay isika roa irery
Mitokan-toerana miery
Fa fantatra fa voarara
Vao niandoha ilay tantara
Eny efa firy taona izao ?
Isao ange dia mba lazao
Ary mbola ampiako izao :
“Hitombo ireo hatrany hatrany
raha mbola tany koa ny tany “
--------
Rohy:
Hevitra mandeha
salegy
(
11/04/2006 17:04)
mahafinaritra tsapa hoe fianana andavan'andro misaotra dia mazotoa
scotlandyard
(
14/04/2006 06:48)
misaotra salegy