RAHA MBA MISY HAMBOM-PO (Solofomanjato)

Mbola tsisy niantsa

Hangataka antsa
(Nalaina tao amin'ny vetso.serasera.org)
Raha mba misy ny hambom po
Fa mba Malagasy koa
Sy raha mbola nofo ihany
Hitsanga-menatra eto an-tany ?

Mihirà ianao ry taniko
Fa simbàin’olona ny mamiko



Ry Mpihira malagasy
mitsangana misehoa, ka kiaho anaty hira ny hoe mila fahafahana
Ry Mpanoratra tsy satry
mitsangana ka hifoha, ao ny ranomaintinao hitaky koa, ny fahafahana
Ry Mpanao hosodoko
Mitsangana, tam pisoko, moa inona no lokon’izany hoe tena fahafahana
Ry Gazety mbola mihidy
Mitsangana, fa voavidy ianao hiady ho an’ny tsy mba manam-pahafahana….

Ry Poeta, malagasy
Mitsangana ka sotroy, irony rano tsy mba mety ritran’ny fahafahana
Ry Mpikabary, mba sokafy
Mitsangana, asehoy, fa tsy ilàna sarintsariny ho anao ny fahafahana
Ry mpiangaly ny Mozika
Mitsangana koa isika, ka tendreo hanakoako ireny feon’ny fahafahana
Ry Mpanendrika ny bika
Mitsangana ‘ndeha amboary mba hanendrika antsika, izany atao hoe fahafahana

Ry Mpandihy ny zavaboahary
Mitsangana ka dihizo ny totorebika sy hafalian’ny mihoby fahafahana
Ry rehetra tsy voalaza nefa koa dia mpanakanto
Mitsangana ka poteho izay mitetika hampandefitra ny hasin’ny fahafahana
Ry Mpiangaly politika
Aman’alina sy an’hetsiny ny politika sy ny tetika tena hitondra fahafahana
Nefa dia ny mifanabotry no manavanana antsika

Ry Mpivavaka rehetra
Mitsangana ivavaho, mba tsy ahita famonjena izay mpangeja fahafahana



SOLOFOMANJATO
--------
Rohy:
1851 1
Hametraka hevitra
Midira aloha
Momba ny tononkalo
Mpanoratra : Solofomanjato
Nampiditra : benasy
Daty : 11/02/2009 13:10
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0105