You are here: home > Vetso

RAHA TSY IZAHO... - Solofomanjato

Azo vakiana?

RAHA TSY IZAHO…

Tiako, hoy ianao ny aminao rehetra
Tiako ny endrikao, ny masonao mitopy
Tiako, faniriako ; ka ho ahy tsy misy fetra
Tiako ho ahy irery …. Hoy ianao natoky

Tiako hoy ianao, ny Fitiavanao miampify
Tiako ny fitempon’ny fonao mikalo vetso
Tiako ny salovan’ny endrikao mitsiky
Tiako, tena tiako, na any koa na eto

Tiako hoy ianao, ny bikanao toa sary
Toy ny tsy nateraka fa rafi-janahary
Tiako ny safoaky ny fitiavanao mirehitra
Tiako ny orokao, tiako an’eritreritra

Tiako hoy ianao, tiako sady mamiko
Tianao ihany aho, saingy an’ny fonao fotsiny
Tian’ny fanirianao, tahaky ny avy amiko
Antom-pisian’ny fitiavanao sy nofinofiny

Saingy raha jerena, somary halalinina
Raha tsy izaho no teto, fa olon-kafa ohatra ;
Raha tsy izaho ilay sary, nirinao hofihinina
Ho manao ahoana iky, ilay fonao te-hiloatra ?

Ka « izy » no hitanisa ireny vetsonao
« Izy » no hitrotro ny angolan’ny fitiavana
Moa hino va ny saiko, fa ny Fitiavanao
Koa ho sarim-pahasambarany tsy hita navanavana ?

Hevitra mandeha

Zozoro (18/05/2009 23:28:12)

Raha tsy ianao dia Izy...izay angamba no valiny tadiavinao satria ianao tsy mino na misalasala ny fisianao ka Izy no natsangana...
Tsara ny vetsonaO

llaingoo (19/05/2009 09:29:55)

Tiako ny vetsonao.
Tohizo fa tsara

fahamarinana (27/05/2009 10:27:49)

Tsara tokoa e ! Ity Fitiavana ity zalahy an !...

lanto (28/05/2009 13:39:35)

..."Raha tsy izaho ilay sary, nirinao hofihinina"...

raozigasy (28/05/2009 16:29:29)

Mifandamina

Raha ireo rehetra voatanisa
S’ireo rehetra tianao tamiko
Raha ireo rehetra tsy voavisa
Noheverinao ho mamiko

Raha ireo tiako taminao
S’ilay “ianao” notiaviko
Raha ireo rehetra izay natao
Nekeko tsy nolaviko

Raha ireo no atambatra
Sy ataontsika adisanina
Isika kay ka sambatra
K’aleo re mifandamina

benasy (28/05/2009 17:42:45)

Mahafinaritra ahy ise ity ! feno fahatsorana indrindra ny fanahinao raozy ...!

raozigasy (28/05/2009 18:07:36)

Misaotra anao benasy
izay ilay malagasy ...

mangidy (10/06/2009 22:36:00)

Ny foko ve no adala naniry anao ho malala?
Sa izato endrikao no tsy nety nankalao?
No nanintona ahy hitafa taminao
Ka aza atosi bohina raha toa tsy tianao.

Iangaviako koa, reo vetso izay natolotro
Ho anao ireny, naloakin'ny molotro
Kanefa ankehitriny, raha toa ka tsy anjara
Ny momba ahy fahiny avalomy fa tantara

mangidy (10/06/2009 22:36:14)

Ny foko ve no adala naniry anao ho malala?
Sa izato endrikao no tsy nety nankalao?
No nanintona ahy hitafa taminao
Ka aza atosi bohina raha toa tsy tianao.

Iangaviako koa, reo vetso izay natolotro
Ho anao ireny, naloakin'ny molotro
Kanefa ankehitriny, raha toa ka tsy anjara
Ny momba ahy fahiny avalomy fa tantara

maeva74 (11/06/2009 23:23:10)

kanto dia kanto ny tononkalonao ka dia mankasitraka

Hametraka hevitra

Midira aloha

Mombamomba

Mpanoratra : Solofomanjato

Nampiditra : benasy
Daty : 18/05/2009
Mpamangy : 1251
Mankafy : 2

Tononkalo hafa

F' ANGAHA
FIAINANA
HO INONA ?
MIJOROA
RAHA HO TONGA NY ANDRO IRAY
TSY MAINTSY VE ?
AINA
TSY HO VERY MAINA
NY POETY
TSY IZAHO