VERY MAINA (Solofomanjato)

Mbola tsisy niantsa

Hangataka antsa
(Nalaina tao amin'ny vetso.serasera.org)
VERY MAINA



Tsisy dikany aminao, ny fahafahako
Tsisy fotony aminao, izay mba zöko
Maivana ao an-dohanao, rah’ ny anarako
Maivana ao an-tratranao, ny ratram-poko

Terenao mafy hitovy tsy hisy miavaka
Ny karazan-tsampy sy ody, amin’ny vavaka
Ny anao…Ny anao, ny anao, no hany marina
Ny rehetra ankoatr’izay « tsy rariny » !

Tsisy antony aminao, ny fahendreko
Tsisy fetrany aminao, ny fandeferako
Maivan-danja taminao, ny fanekeko
Maivan-doatra taminao, ny fanaperako

Poizina hamono ahy, tsara voatra
Ny fisianao eto an-tany sy any ankoatra
Rano raraka eh ! … Ny lasa mby an-tsaina
Ny zava-drehetra nokinasa, very maina.


Solofomanjato
--------
Rohy:
1273 3
Hametraka hevitra
Midira aloha
Momba ny tononkalo
Mpanoratra : Solofomanjato
Nampiditra : benasy
Daty : 10/01/2009 10:43
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0097