**SIKAM-PITIA** (Poezita)
Mbola tsisy niantsa
(Nalaina tao amin'ny vetso.serasera.org)
**SIKAM- PITIA**Ahy ianao fa tsy azy
Eny tsy avelako rombahiny
Matotra aho tsy mivazivazy
Potehiko izay tombondahiny
Ahy ianao,ahy samy irery
Nef'izy koa tia anao
Izay fitiavany ovaiko fery!
Iady aho fa tsy handao
Tia anao izy.Fa ny fatrany
Ivin-jaza aza mahafaty ny afo!
Fity maramara ny ao ankavian-tratrany
Fa ny ahy fity mitafotafo!
Masika fitia aho,saropiaro!
Mianjaka mierona
Ahy ianao tsy tiko hifangaro
Tsy manambitamby fa mitrerona!
Poezita
--------
Rohy:
Sokajy :
Fitiavana - Aingam-panahy
Mpakafy:
Thelo
