RAHA TETO I RADO (Toetra RAJA)

Mbola tsisy niantsa

Hangataka antsa
(Nalaina tao amin'ny vetso.serasera.org)
RAHA TETO I RADO

Raha mba teto
Ianao ry RADO
Nampisento
Ireo "bado"

Nanapoaka
Ireny takotra
Mandroaka
Ny tsy matotra...

Na ilay "vato
Fehizoro"
'Ngaha tsy harato
Nampikoro !

Ny tanàna
Moa nasolo
Fahefana
Bobongolo

Radio teny
Anosy indray
No nohoseny
Kila may

Voadotra
Ireo kolo
Sy olon-tsotra
Valopolo

Izay nirohatra
An-daharana
Hay ka tohatra
Fiakarana !

Rahom-bava
Tifi-basy ...
Tsy mazava
Amin'ny Gasy.

Ireo harem-
Pirenena
Indray ange
No nofetsena.

(...) RADO !

Soa ianao
Tsy teto intsony
Fa nandao
Raha mbola tony
Ny tanàna
Ka mandria
Miadàna
FA NY ATY
MBOLA MAFANA !

Toetra RAJA
17 jolay 2009
http://www.freewebs.com/toetraraja
--------
Rohy:
Sokajy : Tanindrazana - Alahelo
2799 0
Hevitra mandeha
Nirilala ( 01/08/2009 07:46)
Saingy efa lasa tokoa i Rado. Soa fa efa maro koa ireo poety manohy ny efa vitany
Mysento ( 02/08/2009 11:27)
Afaka tsy manantena azy tsony,fa afaka kosa ,manaraka ny diany
eo aminy Asa Soratra.
betroka ( 03/08/2009 17:52)
Voatsiahy eto amin'ny tononkalo ny "tako-bilanin" i Rado (and. 2) => "Tsy maintsy mipoaka ny tako-bilany" hoy izy.
Eo amin'ny and. 3 no iresahana ilay fitokanana ny vato fehizoron'ny lapan'ny tanànan'Antananarivo izay natrehan'i Rado. Soa ihany tokoa fa tsy mba hitan'i Rado izao zava-dratsy iainan'ny firenena izao fa raha tsy izany angamba dia ho tena nalahelo izy.
andry 1000 ( 30/04/2015 08:01)
indro ianao fa efa eo ho solon'i RADO.. misaotra e!
Hametraka hevitra
Midira aloha
Momba ny tononkalo
Mpanoratra : Toetra RAJA
Nampiditra : toetra
Daty : 01/08/2009 06:30
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0095