Andevony (Rado)

Nantsain'i
(Nalaina tao amin'ny vetso.serasera.org)
ANDEVONY

Malagasy Ray no Malagasy Reny
Saingy etsy ange rehefa mba miteny
Mirehareha ery ,kevoka sy kasy
Tsy miteny intsony ny teny Malagasy

Nidiran-doza isika,nidiran'ny angano
Fa izy mianakavy ao an-tokantrano
Tsy misy iray miteny malagasy intsony
Voazanaky ny hafa hatrany anaty fony

Raha sendra izay mpamangy miteny Malagasy,
Izy mianakavy indreo mangasiasy
Tsy hainy ny mamaly ireo Malagasy havany
Voafatotry ny hafa ny lela sy ny vavany

Raha miteny gasy izay miresaka aminy
Raisiny mihintsy ho olona ambaniny
Ny tenin'ny vahiny no ataony lazany
Fa mahamenatra azy izato tenin-drazany

Izay no zava-misy hiainantsika etoana
Inona no tohiny, ahoana sy ahoana
Hoy aho mamaly rehefa atsy ho atsy
Dia honohono sisa ny TENY MALAGASY

Ny andro ho avy angamba aoka ho tenenina
Tsy holazaina tsotra tsy afenim-penina
Ny gasy dia handoa ny azy izay tsy levony
Ny vahiny handihy mitombo ny ANDEVONY


RADO (Georges Andriamanantena)
--------
Rohy:
Sokajy : Tanindrazana
3803 4
Hevitra mandeha
AZTECA ( 29/04/2022 12:57)
sao misy manana manontolo ilay tononkalon -dRado misy hoe
"izay very vakana,mbola hitady
izay very sampy, mbola hanolo,
ny zanaka kosa tsy tahaka an'izany
ny toera-nialany tsy mety voasolo"
Mankasitraka sahady ho an'izay mamaly
Hametraka hevitra
Midira aloha
Momba ny tononkalo
Mpanoratra : Rado
Nampiditra : totyjim
Daty : 29/05/2012 06:01
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0101