FITIAVANA (Totyjim)
Mbola tsisy niantsa
(Nalaina tao amin'ny vetso.serasera.org)
Ity fitiavana ity re dia tena hafa mintsyToa trangan-javatra lalina loatra
Mifaingoka anio dia rahampitso mahitsy
Tsy hita hoe mihemotra ve sa mivoatra
Ny fo no ataony mahita matetika
Ratraratrainy ,ampifalifaliany
Avelany hiaina, tsindriny hilentika
Omeny hasambarana,ampijaliany
Indraindray izay jerena toa meva daholo
Toa maha-te hitsiky izay rehetra hita
Mientana ery ny any anaty tontolo
Ny hifandao iray minitra aza mila tsy ho vita
Tampoka anefa tsy ampoizina akory
Manjavona tsy hita ireo rehetra ireo
Tsy mahatelin-kanina, ilaozan-tory
Toa nofy niserana ilay aninkeheo
Dia ireo hatrany no toa mifandimby
Tsiky, hasambarana, jaly, hakiviana
Dia hiaina an'izay koa ireo fara aman-dimby
Satria ny fitiavana tsy azo idifiana.
--------
Rohy:
Hevitra mandeha
fahamarinana
(
28/03/2010 12:02)
Ka ny fitambaran'ireo rehetra ireo ilay manome loko ilay Fitivana !Raha tena ilay "izy" dia tsy mety antonontoniny mihintsy !:-)
ntk
(
14/03/2012 05:10)
Tsy ratsy